Վերջին շաբաթներին Ֆրանսիայի մեծ մասում ուժեղ շոգը հանգեցրել է երաշտի ֆրանսիական մի շարք շրջաններում: Այս մասին հայտնում է TASS-ը:
Երկրի էկոլոգիայի նախարարությունը հայտնել է, որ այդպիսի եղանակային պայմանների պատճառով երկրի միանգամից 60 դեպարտամենտներում ջրի օգտագործման սահմանափակում է դրվել:
Ամենաշատը երաշտից տառապում են Ֆրանսիայի կենտրոնական, արևմտյան և հարավարևմտյան շրջանները: Մասնավորապես, սահմանափակող միջոցառումները վերաբերել են Լուարային, Պուատու-Շարանտային, Ակվիտանիային, Կենտրոնին, Բուրգունդիային և Օվերնին:
Ջրի օգտագործումը սահմանափակված է նաև արևելյան Ռոնա-Ալպեր շրջանի ամբողջ տարածքում, Իլ-դե-Ֆրանսում:
Իրավիճակը գնահատելիս էկոլոգիայի նախարարությունում օգտագործում են 4-աստիճանի սանդղակ: Ամենաբարձր՝ «ճգնաժամային» մակարդակ ներկայումս սահմանված է 28 դեպարտամենտներում: Եվս 11-ը «բարձր վտանգի» վիճակում են:
