Queen խմբի կիթառահար Բրայան Մեյը մասնակցել է Lady Gaga-ի նոր ձայնասկավառակի ձայնագրման աշխատանքներին: Այս մասին հաղորդում է The Daily Mirror-ը:
Մեյը մասնակցել է You & I երգի ձայնագրմանը: Այն տեղ կզբաղեցնի Born This Way ալբոմում, որը լույս կտեսնի 2011թ. մայիսին: Ալբոմը կթողարկվի երկու տարբերակով` ստանդարտ, որտեղ ներառված է 14 երգ, և կոլեկցիոն` 17 երգ, ռեմիքս:
Երգչուհու ներկայացուցիչներից մեկը թերթին ասել է, որ Lady Gaga-ն վաղուց է ցանկացել աշխատել Queen խմբի որևէ երաժշտի հետ. «Եթե չլիներ այդ խումբը, ապա չէր լինի նաև Lady Gaga-ն»: