Հայտնի կինոդերասան Չարլի Չապլինի թոռնուհին՝ Ունա Չապլինը, պատրաստում է Կուբայում փոփոխությունների մասին ֆիլմի սցենարը։ Այս մասին հայտնում է TASS-ը: «Մենք հետաքրքիր սյուժե ենք ստեղծում կուբացի գործընկեր Ամարիլիս Պոնս Մեսայի հետ, որը այստեղ տեղի ունեցած փոփոխությունների մասին է»,- լրագրողների հետ զրույցում պատմել է 29-ամյա Ունան:
Դերասանուհի Ջերալդինա Չապլինի և կինեմատոգրաֆիստ Պատրիսիո Կաստիլյոյի դուստրը մեկնել է Կուբա՝ մասնակցելու իր հայտնի պապի արվեստին նվիրված փառատոնին: Մեծ կատակերգուի նկարների ցուցադրությունը տեղի է ունեցել հուլիսի 2-12-ը՝ Կուբայի կինեմատոգրաֆիայի և կինոարդյունաբերության ինստիտուտում:
«Կարծում եմ՝ կուբայական մշակույթում մեծ փոփոխություններ տեղի կունենան, քանի որ հիմա ամբողջ աշխարհի ուշադրությունը դեպի Կուբան է: Բոլորը ցանկանում են այստեղ գալ»,- ասել է դերասանուհին, որը կղզում հայտնի է դարձել իր մասնակցությամբ «Գահերի խաղի» ցուցադրության շնորհիվ: Ունայի կարծիքով՝ կարիբյան երկրի պատմությունը «պետք է պատմել հենց կուբացիների շուրթերով, որպեսզի նրանց հրաշալի մշակույթին թույլ չտրվի անհետանալ»:
