Վենսուելայի հանգուցյալ նախագահ Ուգո Չավեսի կողմնակիցները համոզված են, որ երկիրը կգնա չավիզմի ճանապարհով, այն դեպքում, երբ ընդդիմության առաջնորդ Էնրիկե Կապրիլեսը փորձում է նրանց հասկացնել, որ երկրի կայնքում նոր փուլը ճիշտ չի սկսվել: Այս մասին Corriere della Sera թերթում գրում է Ռոկո Կոտրոնեոն:
«ժողովրդավարական երկրում նախկինում երբեք չի կազմակերպվել այսպիսի ճոխ հուղարկավորություն: Կարելի է ասել, որ ծնվում է նոր կրոն: Վենեսուելայում շատերը չեն կարող թույլ տալ իրենց կորցնել այն»,- գրում է հոդվածի հեղինակը:
Հոդվածագիրը գրում է, որ Չավեսի հետ հրաժեշտը վերածվել է բառերի, արցունքներ և խոստումների տարափի և հիշեցրել է նախագահին Պանթեոնում հուղարկավորելու կամ նրա մարմինը զմռսելու, նրա համար դամբարան կառուցելու մասին առաջարկները, որպեսզի «նրա ժողովուրդը կարողանա միշտ տեսնել նրան»:
«Այդ պատճառով հուղարկավորության պաշտոնական միջոցառումը հետաձգվեց: Սուգը կտևի ևս մեկ շաբաթ: Վենեսուելան չի աշխատում, ալկոհոլի վաճառքն արգելված է, որևէ այլ միջոցառում նախատեսված չէ: Ամենակարևորն է թույլ տալ կարմիր հագած ժողովրդին մտնել սգո սրահ, որը շուրջօրյա բաց կլինի ևս յոթ օր»,- ասվում է հոդվածում:
Կոտրոնեոյի խոսքերով՝ հիվանդանոցում, որտեղ մահացել է Չավեսը, ասում են, որ կյանքի վերջին ժամերին նա շատ է տանջվել, սակայն դա այդպես չէ:
«Չավեսը մահացել է մի քանի օր առաջ Կուբայում, այնուհետև կազմակերպվել է նրա սգո արարողությունը դատարկ դագաղով, ինչպես պնդում է իսպանական ABC թերթը»,- գրում է հոդվածագիրը:
Նրա կարծիքով՝ Վենեսուելայի վարչակարգը չի կասկածում, որ Չավեսից հետո երկրում կլինի միայն չավիզմ:
Մեկ ամիս հետո երկրում կկայանան ընտրություններ, որոնցում վարչակարգի ներկայացուցիչները մտադիր են հաղթել՝ օգտագործելով էմոցիոնալ ալիքը, իսկ ընդդիմությունը կրկին կփորձի հաջողության հասնել Էնրիկե Կապրիլեսի գլխավորությամբ,- շարունակում է հոդվածի հեղինակը:
Հոդվածագիրը նշում է, որ Վենեսուելայի Սահմանադրության համաձայն՝ Մադուրոն պետք է ղեկավարի անցումային ժամանակաշրջանը և գալիք ընտրությունները պետք է անցկացնի խորհրդարանի ղեկավար Դիոսդադո Կաբելյոն:
