Google-ը տոնական լոգոտիպով է նշում անգլիացի հայտնի գրող Դուգլաս Նոել Ադամսի՝ հայտնի ֆանտաստիկ սերիալի հեղինակի ծննդյան օրը՝ հայտնում է RBK-ն:
Դուգլաս Ադամսը ծնվել է 1952թ.՝ Քեմբրիջում: Մի քանի ամիս անց նրա ընտանիքը տեղափոխվել է Քեմբրիջ:
Ադամսը սովորել է Բրենտվուդի դպրոցում, ստացել է բակալավրի, ապա մագիստրոսի աստիճան՝ անգլիական գրականություն մասնագիտացմամբ:
1978թ. BBC ռադիոն սկսեց թողարկել նրա The Hitchhiker’s Guide to the Galaxy 4 մասանոց բեմադրությունը, որը արժանացավ Imperial Tobacco Award (1978), Sony Award (1979), Best Programme for Young People (1980) մրցանակներին:
Որոշ ժամանակ անց նա թողարկեց իր համանուն գիրքը, որն ունեցավ ցնցող հաջողություն ու գլխավորեց անգլիական բեսթսելերների ցանկը:
Նա ամենաերիտասարդ գրողն էր, որն արժանացավ Golden Pen-ի (մրցանակը շնորհվում է 1 մլն վաճառված գրքի համար):
1996թ. The Hitchhiker’s Guide to the Galaxy-ն գրավում է 24-րդ հորիզոնականը հարյուրամյակի ամենահայտնի գրքերի շարքում՝ ըստ Waterstone’s Books/Channel Four-ի:
Ադամսը մահացել է 2001թ. մայիսի 11-ին՝ Սանտա Բարբարայի իր տանը: Ի հիշատակ Ադամսի՝ նրա անունով կոչվում է աստղակերպ:
