Շուրջ 2.2 հազար սատկած խոզ են հայտնաբերել Շանհայի ջրային զարկերակում՝ Շանհայի Հուանպու գետում՝ հաղորդում է Reuters-ը:
Կենդանիների զանգվածային անկման պատճառները դեռ հայտնի չեն: Իշխանությունները սկսել են հետաքննություն անցկացնել:
Ինչպես հաղորդում է Agence France-Presse-ը, կենդանիների մարմինները, հավանաբար, հայտնվել են հարևան Չժենցզյան նահանգից, որը գտնվում է գետի հունից վերև: Ենթադրվում է, որ խոզերին գետն են նետել ֆերմերները՝ դրանց սատկելուց հետո:
Քաղաքային ղեկավարությունը հայտարարել է, որ արդեն սկսել է մաքրել գետը՝ աղտոտվածությունից խուսափելու համար, որը ջուր է մատակարարում Չինաստանի խոշորագույն քաղաքներին:
Ներկայում ստուգվում է գետի ջրի որակը՝ պարզելու, թե արդյոք չկա՞ն նորմայից շեղումներ:
