Կոնվերս բանկը շարունակում է իր արդեն ավանդույթ դարձած «երկխոսությունների» շարքը:
Հերթական «Շախմատային երկխոսությունն» այս անգամ տեղի է ունեցել ս.թ. մարտի 10-ին, TUMO ստեղծարար տեխնոլոգիաների կենտրոնում:
Քաջալերելով երիտասարդ սերնդի զարգացմանն ուղղված ցանկացած ջանք, Կոնվերս Բանկը, միտում ուներ «շախմատային երկխոսությունը» հասանելի դարձնել ոչ միայն իր անձնակազմի և շախմատասեր հաճախորդների, այլև TUMO-ի առաջադեմ ուսանողների համար: Ի նպաստ երկխոսության նպատակային իրականացման, միաժամանակյա խաղին մասնակցում էին նաև Գյումրիի շախմատի դպրոցի սաները: Շնորհիվ TUMO-ի սաների նախաձեռնողական և ստեղծագործ ջանքերի, խաղի ողջ ընթացքը հեռարձակվեց on-line կարգով, և TUMO-ի Դիլիջանի մասնաճյուղի ուսանողները ևս հնարավորություն ստացան առցանց մասնակցելու խաղին:
Մրցույթին մասնակցում էին նաև Կոնվերս Բանկի շախմատասեր հաճախորդները, որոնք խաղի մասին տեղեկացել և մասնակցելու ցանկություն էին հայտնել Բանկի Facebook-ի էջի միջոցով:
«Շախմատային երկխոսության» մասնակիցներին ընձեռվեց եզակի հնարավորություն` անհատապես ծանոթանալ և մրցել հանրահռչակ գրոսմայստերներ` Վլադիմիր Հակոբյանի, Գաբրիել Սարգսյանի և Աշոտ Նադանյանի հետ:
Երիտասարդ մասնակիցներից երեքին հաջողվեց 2-ժամյա թեժ պայքարն ավարտել «ոչ-ոքի»:
Մրցույթից հետո գրոսմայստերները պատասխանեցին մասնակիցների հարցերին: «Ինձ համար մեծ պատասխանատվություն է խաղալ հատկապես երիտասարդ շախմատիստների հետ, քանի որ նրանցից յուրաքանչյուրի մեջ ապագա չեմպիոն եմ տեսնում», – ասաց Վադիմիր Հակոբյանը, պատասպանելով մասնակիցներից մեկի հարցին:
Տարբեր թեմատիկ «երկխոսությունների» միջոցով Կոնվերս Բանկն իր մշտապես բարելավվող ծառայությունների հետ մեկտեղ ձգտում է ստեղծել հաճախորդների հետ շփման ու համագործակցության նորանոր հետաքրքիր եզրեր՝ հոգալով իր հաճախորդների ոչ միայն ֆինանսների, այլև հաճելի և օգտակար ժամանցի մասին:
Մրցույթի անցկացման վայրի ընտրությունը պայմանավորված էր ստեղծարար և առաջադիմական մտքի զարգացմանն ուղղված Կոնվերս Բանկի անթաքույց խրախուսական դիրքորոշմամբ: TUMO-ն ստեղծարար տեխնոլոգիաների յուրատեսակ կրթական կենտրոն է, որի նպատակն է տարեկան հազարավոր երեխաների տրամադրել յուրատեսակ ուսումնական փորձառություն: Այստեղ երեխաները բացահայտում են նոր տեխնոլոգիաների և թվային մեդիայի բազմազան աշխարհը:
