Թուրքական Son dakika լրատվական կայքի փոխանցմամբ՝ Թուրքիան շահել է Հունաստանի դեմ միջնորդ դատարան ներկայացրած հայցը։ Այս մասին հայտարարել է Թուրքիայի էներգետիկայի և բնական պաշարների նախարար Թաներ Յըլդըզը։ Նրա խոսքով՝ այդ գործը բացվել է 4 տարի առաջ՝ կապված թուրքական Botaş պետական խողովակաշարային ընկերության և հունական DEPA էներգետիկ ընկերության միջև գազի մատակարարմանն առնչվող տարաձայնությունների հետ։
Այժմ թուրքական կողմը պետք է Հունաստանից ստանա 100 միլիոն դոլարի փոխհատուցում։ Յըլդըզն ընդգծել է՝ իրենց հայտնի է, որ Հունաստանը դժվարին վիճակում է. «Մենք ցանկանում էինք օգնել նրանց, սակայն մեզ համար առաջնահերթը մեր երկրի շահերն են»։
