Իտալացի գիտնական Լուկա Պասամոնտին կազմել է մթերքների ցուցակը, որոնք օգնում են հաղթահարել ցասումն ու գրգռվածությունը։ Այս մասին հայտնում է Direct-Press-ը։
Ագրեսիայի ժամանակ, մասնավորապես, խորհուրդ է տրվում ուտել տապակած կարտոֆիլ, շոկոլադ, ձկնկիթ, կաթ, պանիր, թռչնամիս, տավարի միս, խոզի միս, ընկուզեղեն։ Այս մթերքները պարունակում են տրամադրության վրա ազդող տրիպտոֆան ամիաթթու։
Հետազոտողը նշում է, որ ագրեսիան և բացասական էմոցիաները հաղթահարելը հեշտ կլինի, եթե օրական սննդաբաժնում լինի 350 գրամ այս մթերքներից։
Սակայն դրանց մեծ մասը շատ կալորիական են և կարող են ազդել քաշի վրա։ Պասամոնտին կարծում է, որ նիհար մարդիկ հաճախ են ագրեսիվ լինում տրիպտոֆանի սղության պատճառով։
