Բրիտանական The Rolling Stones ռոք-խմբի կիթառահար Քիթ Ռիչարդսը գովազդել է նոր մենաալբոմի թողարկումը: 15 ստեղծագործություններից բաղկացած Crosseyed Heart ալբոմը կթողարկվի 2015թ. սեպտեմբերի 18-ին՝ հայտնում է Lenta.ru-ն:
Ռիչարդսը նվագում է էլեկտրական, բաս և ակուստիկ կիթառներ, ինչպես նաև երգում: Ալբոմը, նրա խոսքով, «զբոսանք է ռեգգիով, ռոքով, քանթրիով ու բլյուզով»: Ալբոմի առաջին՝ Trouble սինգլը կթողարկվի հուլիսի 17-ին:
Illusion բալլադը երաժիշտը գրել է Նորա Ջոնսի հետ դուետով: Երկու թրեքների ձայնագրությանը մասնակցել է The Rolling Stones-ի սաքսոֆոնահար Բոբբի Քիզը, որը 2014թ. դեկտեմբերին մահացել է:
Այդ ալբոմը կլինի երրորդը Ռիչարդսի համար՝ Talk Is Cheap և Main Offender սկավառակներից հետո, որոնք թողարկվել են ավելի քան 20 տարի առաջ:
