Նոթինգհեմում Ռիթեյլի հետազոտական կենտրոնը Մեծ Բրիտանիայի արքայադուստր Շառլոտայի ծննդյան անհապաղ ազդեցությունը գնահատել է 80 մլն ֆունտ ստեռլինգ (121 մլն դոլար)՝ հենց այդքան է ծախսվել արքայադստեր ծնվելու հետ կապված հուշանվերների գնման համար: Տնտեսագետների կանխատեսմամբ՝ երկարաժամկետ հեռանկարում արքայադուստրը բրիտանական տնտեսությանը կբերի տարեկան մոտ 150 մլն ֆունտ ստեռլինգ: Որքան և ինչպես են վաստակել արքայադստեր շնորհիվ՝ ներկայացնում է Forbes-ը:
Լոնդոնի քաղաքապետարանի London & Partners պաշտոնական PR ընկերության ղեկավար Գորդոն Իննսը հայտարարել է, որ արքայադուստր Շառլոտայի ծնունդը 2015 թ. Բրիտանիայի մայրաքաղաք կտանի ռեկորդային թվով զբոսաշրջիկների՝ 32 մլն մարդու:
Հենց որ հայտնի դարձավ արքայադստեր անունը, շուկայում հայտնվեցին նոր «Շառլոտա» ապրանքանիշով ապրանքներ, նրանք ևս մեծ եկամուտ են բերել:
Նորածին Շառլոտա Եղիսաբեթ Դիանայի միջոցով լավ վաստակել են նրանք, ովքեր գուշակել են նրա անունը: The Independent-ի տեղեկացմամբ՝ բուքմեյքերները գուշակողներին մոտ 1 մլն ֆունտ ստեռլինգ են վճարել:
Ծնվելուց 12 ժամ անց Շառլոտան առաջին անգամ երևացել է հանրության առաջ՝ Քեթրինը և Ուիլյամը նրան ցույց են տվել սուրբ Մարիայի հիվանդանոցի մոտ հավաքվածներին: Արքայադուստրը փաթաթված է եղել Hurt & Son ծածկոցով, որը 97 դոլար արժե: Արքայադստեր ծնունդից մեկ շաբաթ անց eBay-ում Hurt & Son ծածկոցի վաճառքի ծավալն ավելացել է 149%-ով:
Թոռան ծնվելով մեծ գումար են վաստակյել նաև Քեյթ Միդլթոնի ծնողները՝ Քերոլն ու Մայքլը: Նրանց Party Pieces առցանց խանութը վաճառում է ամեն անհրաժեշտ բան մանկական տոների համար:
Արքայադստեր ծնունդը նշելու համար Արքայական տունը 1300-1800 ֆունտ ստեռլինգ արժողությամբ 4 տիպի մետաղադրամ է թողարկել:
Արքայադուստրը նաև շատ թանկարժեք նվերներ է ստացել:
