BMW-ի մոդելային մեքենաների լիցքավորված տարբերակը ստեղծողները М-ստորաբաժանումից կարծում են, որ փոխանցման մեխանիկական տուփն արդեն պարտվել է ավտոմատին: BMW-ում չեն ուզում մեխնիկական փոխանցման տուփից հրաժարվել հենց հիմա, բայց մի օր դա կլինի, հայտնում է auto.vesti.ru-ն:
BMW-ի մեխանիկական տուփերով սպորտքարերի վաճառքը համակարգված ձևով կրճատվում է, և M GmbH ստորաբաժանման ղեկավարությունը իր սպորտքարերի համար մեխնիկական անցումը պահելու միջոցներ չի տեսնում:
«Տեխնիկական տեսանկյունից մեխանիկական փոխանցման տուփն ապագա չունի: Ռոբոտացված և ավտոմատացված փոխանցման տուփերը, առաջին հերթին, ավելի արագ են, երկրորդ՝ ավելի շատ վառելիք են տնտեսում»,- ասել է M GmbH ստորաբաժանման ղեկավար Ֆրանկ վան Միլը:
Այդուհանդերձ, BMW-ում մոտ ժամանակներս չեն ծրագրում սպորտքարերն ամբողջովին զրկել մեխանիկական փոխանցման հնարավորությունից: Վան Միլի խոսքով՝ այդ տիպի փոխանցման տուփը որոշակի թվով կողմնակիցներ ունի, և հենց հիմա դրանից հրաժարվել նշանակում է նրանց զրկել այն մոդելից, որը կուզենային գնել:
