Vesti.ru-ի փոխանցմամբ՝ Instagram վիզուալ սոցցանցի հանրաճանաչությունը կարելի է բացատրել ամեն ինչով՝ բացառությամբ լուսանկարների որակի: Լուսանկարների ճնշող մեծամասնությունը ոչ միայն քիչ հետաքրքրական են մյուսների համար, այլև՝ ունեն ցածր որակ (640×640):
Ծառայության աշխատակազմը չի ցանկանում որևէ բան փոխել առաջին հարցում, իսկ ահա երկրորդ հարցին լուծում կտրվի շուտով: Instagram-ն արդեն իսկ սկսել է պատրաստվել 1080×1080 կետայնությամբ լուսանկարների: Օգտատերերը դրա նախանշանները հայտնաբերել են Instagram.com կայքի նախնական ծածկագրում: Ամեն ինչ վկայում է այն մասին, որ ներկայումս Instagram-ում տեղադրված բոլոր լուսանկարները պահպանվում են բարձր որակով:
