ԵԱՀԿ Մինսկի խմբի ռուսաստանցի համանախագահ Իգոր Պոպովն արդեն հայտարարել է, որ Հայաստանի, Ադրբեջանի և Ռուսաստանի նախագահների հաջորդ հանդիպումը տեղի է ունենալու հուլիսին: Նկատենք, որ այս ընթացքում նման ձևաչափով ընդամենը մեկ հանդիպում է եղել` այն դեպքում, երբ անցած տարի այդ հանդիպումներն ավելի հաճախ էին կազմակերպվում:
«Սարդարապատ» շարժման նախաձեռնող խմբի անդամ Հայկ Բալանյանը «Առաջին լրատվականի» հետ զրույցում կարծիք հայտնեց, որ այսկերպ Ռուսաստանը ցանկանում է սառեցված պահել իրավիճակը` միաժամանակ պահպանելով իր վերահսկողությունը:
«Մեդվեդևը հասկացավ, որ միանձնյա հարցը լուծել չի ստացվի, սակայն առաջիկա հանդիպման մասին նախապես հայտարարվում է` ցանկանալով վերահաստատել այն, որ առանց իրենց որևէ հարց չի կարող լուծվել»,- ասաց Բալանյանը և հավելեց. «Միգուցե ինչ-որ բանի են սպասում, ինչ-որ իրադարձության, բայց կարծում եմ, որ որևէ էական բան այս մի քանի ամիսների ընթացքում տեղի չի ունենա»:
