Մադրիդի «Ռեալ»-ի հարձակվող Քրիշտիանու Ռոնալդուն անհանգստացած է թիմի պաշտպան Սերխիո Ռամոսի վերաբերյալ շրջանառվող լուրերով:
Cope. es-ի տեղեկությունների համաձայն` պորտուգալացին զանգահարել է Ռամոսին` 29-ամյա պաշտպանի և «Ռեալ»-ի միջև կատարվող իրադարձությունները քննարկելու համար: Նշվում է, որ Ռոնալդուն Ռամոսին խնդրել է չհեռանալ «արքայական ակումբ»-ից:
Հիշեցնենք, որ Ռամոսին չի հաջողվել համաձայնության հասնել «Ռեալ»-ի ղեկավարների հետ` նոր պայմանագրի ֆինանսական պայմանների շուրջ: Միաժամանակ ֆուտբոլիստն ակումբի ղեկավարներին խնդրել է ուսումնասիրել «Մանչեսթեր Յունայթեդ»-ի կողմից ստացված առաջարկը:
