Կանադացի ոստիկանները, որոնք երկնքից հսկել են Վիննիփեգ քաղաքի փողոցները, պատահաբար միացրել են ծանուցման համակարգը և տեղի բնակիչներն իմացել են, թե իրավապահ մարմինների աշխատակիցներն ինչ են մտածում օրալ սեքսի մասին: Այս մասին հայտնում է CBC News-ը:
Դեպքի ականատեսներից ոմանք նշել են, որ ցնցվել են իրավապահների խոսակցությունից: Մյուսներն ասել են, որ ցենզուրայից դուրս մի քանի արտահայտություն են լսել:
«Հասկանալի էր, որ ուղղաթիռում երկու տղամարդ էին խոսում: Ես լսեցի միայն զրույցի մասեր՝ փողի վերաբերյալ»,- պատմել է վկաներից մեկը: Միաժամանակ, նա նշել է, որ օրալ սեքսի մասին կոնկրետ բառեր չի լսել:
«Պարեկները չեն իմացել, որ ծանուցման համակարգը միացված է: Հենց որ նրանք հասկացել են, որ իրենց զրույցը հեռարձակվում է, անմիջապես անջատել են այն»,- ասվում է քաղաքի ոստիկանության հաղորդագրության մեջ: Միաժամանակ, իրավապահները խոստովանել են, որ «զրույցի բովանդակությունն անտեղի է եղել», և ներողություն են խնդրել Վիննիփեգի բնակիչներից:
