«Ոչ թալանին» նախաձեռնության անդամ Իշխան Խոսրովյանը, «Առաջին լրատվական»-ի հետ զրույցում, անդրադառնալով ցույցի հետագա քայլերին, նշեց, որ իրենք հստակ պահանջ ենք դրել, այս պահին ամենակարևորն այն է, որ նրանք, ովքեր առավոտյան բերման են ենթարկվել, ազատ արձակվեն.
«Տեղեկություններ կան, որ դեռ ազատության մեջ չեն, հստակ տեղեկություններ չկան, թե քանի մարդ ազատության մեջ չէ, ըստ տեղեկությունների՝ նրանց բոլորի հանդեպ քրեական հոդվածներ են առաջադրվել։ Մեր պահանջն է քրեական գործերը կարճվեն, որոնք հարուցվել են քաղաքացիների հանդեպ»,-ասաց Իշխան Խոսրովյանը։
Նա նշեց, որ ոստիկանները կփորձեն ցրել ցույցը։ «Մեր գլխավոր խնդիրը անվտանգության գիծը պահելն է, բոլոր սադրիչներին փորձելու ենք չեզոքացնել։ Մեր գլխավոր խնդիրն այսօր մեր անվտանգությունն ապահովելն է, որ ոստիկանությունը որևէ հիմք չունենա որևէ ուժ գործադրելու։ Մենք քայլ առ քայլ քաղաքացիներին տեղեկացնում ենք, որ ոստիկանի ուղղությամբ որևէ բան չշպրտեն»։