Ստամբուլում հունիսի 23-28-ը կայանալիք ըմբշամարտի աշխարհի երիտասարդական առաջնության առաջին երկու օրերին՝ հունիսի 23-ին և 24-ին մեդալներ կխաղարկեն ազատ ոճի ըմբիշները:
Այս մրցաշարում ազատ ոճի ըմբշամատի Հայաստանի երիտասարդական ընտրանու գլխավոր մարզիչ Ավետիք Վարդանյանի ղեկավարությամբ Հայաստանի մարզական պատիվը կպաշտպանեն Ռազմիկ Միսակյանը (50 կգ), Հարություն Բարսեղյանը (55 կգ), Վարդգես Կարապետյանը (60կգ), Հակոբ Ավետիսյանը (66 կգ), Սուրեն Խաչատրյանը (74 կգ), Սարգիս Հովսեփայնը (84 կգ), Հովհաննես Մխիթարյանը (96 կգ) և Տիգրան Կիրեղյանը (120 կգ):
Նշենք, որ համաձայն առաջնության ժամանակացույցի այսօր՝ հունիսի 22-ին Թուրքիայի ժամանակով ժամը 18:30-19:00-ն տեղի կունենա 50, 60, 74, 96 կգ քաշային կարգերի ըմբիշների կշռման արարողությունն ու վիճակահանությունը:
Հունիսի 23-ին ժամը 10-14-ը տեղի կունենան վերոհիշյալ քաշային կարգերի ըմբիշների նախնական և սփոփիչ փուլերի գոտեմարտերը: Ժամը 18:30-19:00-ն կընթանա 55, 66, 84, 120 կգ քաշային կարգերի ըմբիշների կշռման արարողությունն ու վիճակահանությունը: Ժամը 19:00-19:30-ը տեղի կունենա առաջնության բացման հանդիսավոր արարողությունը: Ժամը 19:30-21:30-ը կանցկացվեն 50, 60, 74, 96 կգ քաշային կարգերի եզրափակիչներն ու մրցանակակիրների պարգևատրման արարողությունը:
Հունիսի 24-ին ժամը 10-14-ը տեղի կունենան 55, 66, 84 ,120կգ քաշային կարգերի ըմբիշների նախնական և սփոփիչ փուլերի գոտեմարտերը: Երեկոյան մրցահերթում ժամը 18:00-20:00-ն կկայանա այս քաշային կարգերի եզրափակիչ փուլի գոտեմարտերն ու պարգևատրման արարողությունը:
