Անգլիական «Սթոք Սիթի»-ի հարձակվող Բոյան Կրկիչը խոսել է իտալական «Ռոմա»-ում հանդես եկած տարիների մասին, տեղեկացնում է Corriere dello Sport-ը:
Ըստ Կրկիչի խոսքերի` նրա համար դժվար էր աշխատել կատալոնական «Բարսելոնա»-ի ներկայիս գլխավոր մարզիչ Լուիս Էնրիկեի հետ, ով նախկինում մարզում էր «գայլեր»-ին:
«Իտալիայում ես հանդես էի գալիս այլ դիրքում: «Սթոք Սիթի»-ում դա այդպես չէ: Ես կարող եմ հանդես գալ հարձակման բոլոր դիրքերում, սակայն ոչ կիսապաշտպանությունում: Լուիս Էնրիկեն ծանոթ չէր իմ մակարդակին, այդ իսկ պատճառով ինձ համար դժվար էր աշխատել նրա հետ: Հետո «Ռոմա»-ն գլխավորեց Զդենեկ Զեմանը, ով չցանկացավ հույսեր կապել ինձ հետ:
Շնորհակալություն եմ հայտնում «Ռոմա»-ին, այդ ակումբն ինձ համար մեծագույն դռներ է բացել: Մեր հրաժեշտն այդքան էլ գեղեցիկ չստացվեց: Ակումբի տնօրեն Ֆրանկո Բալդինին կարող էր մեկ օր ասել, որ դու ակումբի լավագույն ֆուտբոլիստն ես, իսկ մեկ օր էլ` հրաժարվել քո ծառայություններից: Նա ինձ չհարգեց»,- հայտարարել է Կրկիչը:
