Մյունխենի «Բավարիա»-ի կիսապաշտպան Արիեն Ռոբենը չի բացառում, որ մրցաշրջանի վերձնամասը կարող էր ավելի լավ ընթացք ունենալ իր թիմի համար, եթե ինքը շարքում լիներ: Հոլանդացի ֆուտբոլիստը փորի մկանի վնասվածք էր ստացել Գերմանիայի առաջնության 26-րդ տուրի Մյոնխենգլադբախի «Բորուսիա»-ի դեմ խաղում և շարքից դուրս էր մնացել:
Ռոբենը խաղադաշտ վերադարձավ Գերմանիայի գավաթի խաղարկության կիսաեզրափակչի Դորտմունդի «Բորուսիա»-ի դեմ հանդիպմանը, սակայն ձկնամկանի կտրվածք ստացավ և դարձյալ դուրս մնաց շարքից: Այս անգամ մինչև մրցաշրջանի ավարտը:
«Բնականաբար, կցանկանայի տեսնել «Բավարիա»-ի արդյունքները, եթե ես շարքում լինեի: 21 խաղում 17 գոլ եմ խփել և գոլային 8 փոխանցում կատարել: Կարելի է պատկերացնել, թե ինչ կկատարվեր, եթե ես ևս 8-9 հանդիպում անցկացնեի»,- Kicker-ը մեջբերում է Ռոբենի խոսքերը:
