«Գազի բալոնները հիմնականում ունեն 15 տարվա երաշխիք, դրանք նախատեսված են մինչև 200 բար ճնշման համար, մինչդեռ Հայաստանի գազալցակայաններում անգամ հասնում է 270-280-ի, 200 բար ճնշմամբ շատ քիչ տեղեր են լցնում»,- «Առաջին լրատվականի» հետ զրույցում ասաց «ԱվտոԳազ» սերվիսի տնօրեն Սիմոն Հայրապետյանը՝ հավելելով, որ արդյունքում օգտագործման ժամկետը մեխանիկորեն նվազում է, գազաբալոնի պատերը մաշվում են. «Քանի որ մեզ մոտ շատ երկար են գազաբալոնները օգտագործում, դրա հաշվին էլ կարող է պայթյուն առաջանալ, բացի այդ՝ լցակայաններում գազի հետ մեկտեղ յուղ է լցվում բալոնի մեջ, որը փչացնում է մնացած սարքավորումները և որի պատճառով շատ-շատ խնդիրներ են ի հայտ գալիս»:
Սիմոն Հայրապետյանը նաև մանրամասնեց, որ հատկապես վտանգավոր են, այսպես կոչված, ամյակի գազաբալոնները, դրանք հիմնականում կենցաղային բալոններ են «150 բար ճնշումից ավել չի կարելի. ընդհանրապես դրանք չի կարելի օգատագործել մեքենայի վրա»,- ընդգծեց նա: Խնդիրներից է նաև այն, որ կան մեքենաներ, որոնց վրա մի քանի անգամ օգտագործված գազաբալոն է դրվում:
Սիմոն Հայրապետյանը նաև տեղեկացրեց, որ պայթյուններից հետո վարորդները դրսևորում են զգոնություն և հաճախակի այցելում են գազաբալոնները ստուգելու:
Մանրամասները՝ տեսանյութում