Իրանական IRINN հեռուստաալիքի փոխանցմամբ՝ Իրանի գերագույն ղեկավար և հոգևոր առաջնորդ Ալի Խամենեին ԱՄՆ-ին մեղադրել է Իրաքում ու Սիրիայում սուննի ծայրահեղական խմբավորումների հանդեպ հանդուրժողականություն ցուցաբերելու համար. «ԱՄՆ-ը ոչ միայն հանդուրժողականություն է ցուցաբերում Սիրիայի ու Իրաքի ծայրահեղական խմբավորումների նկատմամբ, այլև անգամ գաղտնի օգնում է դրանց»:
Խամենեին ԱՄՆ-ին նաև մեղադրել է նրանում, որ նա պառակտում է առաջացնում իսլամական աշխարհում: Խամենեին ընդգծել է, որ Իսլամական հանրապետությունը շարունակելու է աջակցել ճնշված ազգերին՝ ներառյալ պաղեստինցիները: «Պաղեստինի հարցը մշտապես լինելու է Իսլամական հանրապետության օրակարգում»,- ասել է նա:
Խամենեին անուղղակիորեն անդրադարձել է նաև Իրանի ու «վեցյակի» միջև ընթացիկ բանակցություններին՝ հայտարարելով, որ այդ երկրները հուսալի գործընկերներ են բանակցություններում:
Իրանն ու «վեցյակը» պայմանավորվել են, որ իրանական միջուկային ծրագրի վերաբերյալ համալիր գործարքն ավարտելու են մինչև հունիսի վերջ: Այսօր Վիեննայում մեկնարկում է կողմերի մասնակցությամբ բանակցային նոր փուլը:
