Բրազիլիայի հյուսիս-արևելքում գտնվել են փոքրիկ ատամնավոր և մի քանի նետ հիշեցնող պոչով թռչնի 115 մլն տարեկան մնացորդներ: Այս էակը համալրում է փետրավորների էվոլյուցիայի մասին գիտության բացթողումները, գրում է Vesti.ru-ն:
«Այդ թռչունը նման է եղել փոքրիկ կոլիբրիի: Նա ունեցել է մեծ աչքեր, մարմինը ծածկված է եղել փետուրներով, իսկ պոչին 2 երկար փետուր է եղել` նետերի նման: Նրա բերանում նաև ատամներ են եղել»,- ասել է հետազոտության հեղինակ Իսմար Կարվալյոն:
Գտածոն մոտ 6 սմ է` կտուցի ծայրից մինչև երկար պոչի սկիզբը:
Փետրավորը դեռևս դասային անվանում չի ստացել:
Գտածոն նաև պահպանել է զգալի ծավալ, ինչը գիտնականներին զգալիորեն կօգնի հասկանալ նրա կենսակերպն ու տեղաշարժը:
