«Ղարաբաղյան պատերազմի վետերանների միություն»-ը այսօր մի շարք պարգևներ հանձնեց Աբովյանի ԵԿՄ տարածքային կառույցի ներկայացուցիչներին: Միության նախագահը նաև հայտարարեց, որ սատարում և ողջունում են Աբովյանի ԵԿՄ տարածքային կառույցի՝ Աբովյանի հունիսի յոթին կայանալիք ընտրություններում Արթուր Հարությունյանի թեկնածությունը պաշտպանելու որոշումը:
Նման հայտարարություն կատարեց նաև Նացիոնալ –սոցիալիզմի, ֆաշիզմի և ահաբեկչության դեմ պայքարի համահայկական ճակատի ղեկավար Վահան Հարությունյանը: Նրանք նշեցին, որ այդպիսի որշում են կայացրել՝ ելնելով նրանից, որ իրենց կառույցներում բազմաթիվ աբովյանցիներ կան. «Մեր մարտական ընկերները ճիշտ որոշում են կայացրել, մեզ էլ Աբովյանի ընտրությունների հետ կապում է այն, որ այստեղ 400-ից ավելի միության անդամ ունենք, մենք մեր մարտական ընկերների կողքին ենք»,- «Առաջին լրատվականի» հետ զրույցում նշեց «Ղարաբաղյան պատերազմի վետերանների միություն» ՀԿ նախագահ Յուրա Միքայելյանը:
ԵԿՄ Աբովյանի տարածքային կառույցի անդամները նկատեցին, որ վսահ են՝ հունիսի 7-ին Արթուր Հարությունյանը հաղթելու է. «Մեր պայքարը արդար ընտրությունների համար է, միչև վերջ էլ գնալու ենք, ու թող ոչ մեկն էլ մեզ չթելադրի՝ ինչ անենք, ոնց անենք, ընտրությունը ժողովրդինն է, մենք պայքարում ենք կլանների դեմ»,- նշեցին նրանք:
Մանրամասները ՝ տեսանյութում