2012 թվականին իշխանության գալու պահից Ֆրանսիայի նախագահ Ֆրանսուա Օլանդը սեփական ծախսերի վրա խնայել է 17.4 մլն եվրո։ Այս մասին հայտնում է Euromag-ը՝ հղում անելով ընթացիկ հաշիվների գնահատման ֆինանսների նախարարության օրինագծի հավելվածում։
Տնտեսված գումարից 7.2 մլն եվրոն բաժին է ընկնում պետբյուջեից հատկացվող դոտացիաներին, իսկ 10 մլն եվրոն՝ չօգտագործված վարկերին։
Ինչպես ընդգծվում է փաստաթղթում՝ տևական ժամանակում առաջին անգամ 2014 թվականին պալատի բյուջեն կազմել է 98.27 մլն եվրո, ինչը օրենքով սահմանված գումարից 3.6 մլն եվրոյով քիչ է։ 806 հոգանոց անձնակազմի ծախսերը կրճատվել են 1.9 տոկոսով։
Ընթացիկ ծախսերը կազմել են 13.75 մլն եվրո։ Նախագահի ավտոպարկը 88 մեքենայից դարձել է 69, սակայն ձեռք են բերվել 8 Renault էլեկտրամեքենաներ։ Մթերքի ու գինու գնման համար ծախսվել է 1.75 մլն եվրո՝ նախորդ տարվա 1.79 մլն եվրոյի փոխարեն։
Մեկ տարում Օլանդը 90 այց է կատարել։ Ինչպես ընդգծում է Ելիսեյան պալատը՝ Օլանդի աշխատակիցներն ու օգնականները շրջագայում են էկոնոմ դասով և ոչ միշտ՝ ուղիղ չվերթերով։
