Իտալական Pirelli ընկերությունը սկսել է փորձարկել «խելացի» անիվները: Իսկ որպես «շարժվող լաբորատորիա» իտալացիներն ընտրել են LaFerrari-FXX K ավտոմեքենան: Այս մասին գրում է Motor-ը:
«Խելացի» անիվների խնդիրն է ավտոմեքենայի էլեկտրոնիկային հայտնել ճանապարհային պայմաններում իր վիճակի մասին: Դրա համար անվադողերի վրա մոտ 2.5 սմ տրամագծով հաղորդիչներ են տեղադրված: Դրանց հաղորդած տվյալների հիման վրա ավտոմեքենայի «ուղեղը» կարող է փոփոխել կայունացման համակարգը և շարժիչն այնպես, որ հասնեն անվտանգության ու արագության համատեղման: