Բարձրագույն կրթության եվրոպական տարածքի նախարարական գագաթնաժողովի ծախսերի մոտ 40 տոկոսը Հայաստանի խնդրանքով կփոխհատուցի Եվրամիությունը։ Այս մասին այսօր կայացած մամուլի ասուլիսի ժամանակ հայտարարեց ՀՀ կրթության եւ գիտության նախարար Արմեն Աշոտյանը՝ հավելելով, որ պետական բյուջեի վրա կմնա մյուս 60 տոկոսը։
Նախարարի խոսքով՝ Բարձրագույն կրթության եվրոպական տարածքի նախարարական գագաթնաժողովը թանկ միջոցառում էր։ «Պետք է կարողանանք վճարել պետության համար այդքան կարեուր միջոցառումների կազմակերպման համար։ Եթե ցանկանում ենք անցկացնել գլոբալ համաեվրոպական միջոցառումներ, ապա դրանց համար անհրաժեշտ է վճարել»,- ասաց Աշոտյանը:
«Հայաստանում մեզ օգնեցին VivaCell-MTS ընկերությունը, Երեւանի կոնյակի գործարանը, Gourme-Dourme-ն, Tumo-ն, Երեւանի քաղաքապետարանը, հայկական ԲՈՒՀ-երը։ Այսինքն՝ պետական բյուջեի ծախսերը շատ մեծ չեն եղել»,- հավելեց Աշոտյանը։
Լուսանկարը` PAN Photo-ի
