27 երկրների ներկայացուցիչները, այդ թվում՝ Հայաստանը ներկայացնող Geneology խումբը, այսօր երեկոյան Վիեննայում հանդես կգան «Եվրատեսիլ-2015» երգի մրցույթի եզրափակիչ փուլում։
Եզրափակչի մասնակիցները հանդես կգան հետևյալ հաջորդականությամբ՝ Սլովենիա, Ֆրանսիա, Իսրայել, Էստոնիա, Մեծ Բրիտանիա, Հայաստան, Լիտվա, Սերբիա, Նորվեգիա, Շվեդիա, Կիպրոս, Ավստրալիա, Բելգիա, Ավստրիա, Հունաստան, Մոնտենեգրո, Գերմանիա, Լեհաստան, Լատվիա, Ռումինիա, Իսպանիա, Հունգարիա, Վրաստան, Ադրբեջան, Ռուսաստան, Ալբանիա և Իտալիա։
Բրիտանական խոշորագույն բուքմեյքերական գրասենյակներից մեկը՝ William Hill-ը, առաջին տեղում կանխատեսում է շվեդ մասնակցի հաղթանակը։ Այս մասին հայտնում է RIA Novosti-ն։ Երկրորդ տեղը գրասենյակը տալիս է Ռուսաստանին, երրորդը՝ Իտալիային։ Հնգյակում ներառված են նաև Ավստրալիան և Էստոնիան։
