Բրիտանական լեգենդար Rolling Stones խումբը «գաղտնի» համերգ է տվել Լոս Անջելեսում, որի տոմսերն արժեցել են ընդամենը 5 դոլար: Այս մասին հայտնում է CBS հեռուստաալիքը:
Հեռուստաալիքի հաղորդմամբ՝ Rolling Stones-ը համերգի մասին հայտնել է Twitter-ում և պաշտոնական կայքում, տոմսերը գնվել են «մեկ րոպեում»: Երաժիշտները սկզբում չեն հայտնել համերգի ստույգ վայրը՝ գրելով միայն «Ակումբային շոու այսօր Լոս Անջելեսում», և 90028 կոդը: Ավելի ուշ հայտնի է դարձել, որ համերգը տեղի կունենա Fonda Theatre թատրոնում չորեքշաբթի օրը: Տոմս կարողացել է գնել մոտ 1 200 մարդ:
Associated Press-ի հաղորդմամբ՝ երաժիշտները ելույթ են ունեցել կես ժամ և կատարել են Sticky Fingers ալբոմի բոլոր երգերը «նույն էնտուզիազմով, ինչ 1971 թ., երբ թողարկվել է ալբոմը»: Հաղորդվում է, որ մասշտաբային շրջագայությունից առաջ «գաղտնի» համերգ տալն արդեն խմբի համար ավանդույթ է դարձել:
Մոտ ժամանակներս խումբը կմեկնի Zip Code Tour-ի ԱՄՆ-ով, մինչև հուլիսի 15-ը երաժիշտները 15 համերգ կունենան:
