Հայաստանն ու Ադրբեջանը պետք է նոր մեթոդներ կիրառեն Լեռնային Ղարաբաղի հակամարտության լուծման համար։ Այս մասին Ռիգայում մամլո ասուլիսի ժամանակ ասել է ԵՄ ընդլայնման և հարևանության քաղաքականության հարցերով հանձնակատար Յոհանես Հանը՝ փոխանցում է Trend գործակալությունը։
«Լեռնային Ղարաբաղի հակամարտությունը գոյություն ունի բավականին վաղուց։ ԵՄ-ն փորձում է անել ամեն ինչ հակամարտության լուծման համար։ Հայաստանն ու Ադրբեջանը պետք է կիրառեն նոր մեթոդներ դրա լուծման համար։ Դրա համար շատ լավ օրինակ են Բալկանները, որտեղ մենք տեսնում ենք անդրսահմանային համագործակցություն։ Գուցե անդրսահմանային համագործակցություն հնարավոր է Ադրբեջանի և Հայաստանի միջև։
Առաջին հերթին այդ նախագիծը կարևոր է կողմերի միջև վստահության ստեղծման համար։ Երիտասարդ սերունդը ցանկանում է հաղթահարել անցյալի դառնությունը։ Առաջիկա տարիներին մենք մտադիր ենք Հարավային Կովկասում զարգացնել անդրսահմանային համագործակցությունը»,- ասել է նա։
