Ամերիկյան հետախուզության տվյալներով՝ «Ալ-Քաիդա» ահաբեկչական խմբավորման առաջնորդ Ուսամա բեն Լադենը իր որդի Համզային պատրաստում էր որպես իրավահաջորդի: Այս մասին հաղորդում է ria.ru-ն:
Ըստ տվյալների՝ Բեն Լադենը ժամանակին չէր կարողանում փոխարինել ԱՄՆ-ի կողմից չեզոքացված «Ալ-Քաիդայի» առաջնորդներին: Այդ պատճառով նա մտադրվել էր իր որդի Համզային տեղափոխել Աբոտաբադի իր բնակարանը, որպեսզի այնտեղ նրան պատրաստեր որպես իրավահաջորդի: Ամերիկյան հետախուզությունը հայտնաբերել է 22-ամյա Համզայի նամակը հորը, որտեղ նա մասնավորապես հայտնում էր, որ ինքը «կոփված է պողպատից» և պատրաստ է հասնել «հաղթանակի կամ նահատակության» և ջիհադն իրականացնել իր հոր հետ միասին:
Բեն Լադենի չեզոքացման պահից նրա որդու մասին մինչև այժմ ոչինչ հայտնի չէ: