«Բարգավաճ Հայաստան» խմբակցության պատգամավոր Միքայել Մելքումյանը վարչապետին և Հանրային ծառայությունները կարգավորող հանձնաժողովի նախագահին առաջարկներ է ուղղել՝ Էլեկտրաէներգիայի սպասվող թանկացումը զսպելու համար: Նա, սակայն, մինչ օրս ոչ մի արձագանք չի ստացել:
Մանրամասնելով իր ներկայացրած առաջարկները՝ պատգամավորը «Առաջին լրատվական»-ի հետ զրույցում ասաց. «Մենք ունենք լուծումներ: Կորուստները, որ առաջանում են ՀԷՑ-ում, երկու տեսակ են: Մեկը՝ 250 միլիոն դոլար, ընդհանրապես չի խաթարում բնականոն գործունեությունը. շատ կատաստրոֆիկ աշխատավարձ չտալ, մատակարարներին չվճարել և այլն: Եվ ռեալ կորուստ՝ 24 միլիարդ դրամ, առաջացել է երեք տարվա ընթացքում:
Այդ կորուստներն առաջացել են երեք տարվա ընթացքում՝ արտադրող կայանների թերմատակարարած էլեկտրաէներգիայի համար: Օրենքով պետությունը երեք տարվա ընթացքում պետք է փոխհատուցի, իսկ փոխհատուցում է սակագինը բարձացնելով, ինչն անընդունելի է:
Մենք առաջարկում ենք՝ մինչև 2 հարյուր կիլովատի համար գինը թողնել նույնը՝ բնակչության համար չբարձրացնել, և սակագնի ձևավորման մեթոդաբանությունը փոխել»,- ասաց պատգամավորը:
Նա հավելեց, որ այսօր նախկին քառյակն այս հարցով հանդիպել է, և որոշել են շատ արագ լսումներ պահանջել:
