ՆԱՏՕ-ն 60 մլն դոլար կտրամադրի 2015-2017 թթ. Աֆղանստանում անվտանգության ուժերի ֆինանսավորման համար: Միաժամանակ, միջազգային ներկայությունն այդ երկրում պետք է պահպանվի նաև 2016 թվականից հետո: RIA Novosti-ի հաղորդմամբ՝ այս մասին հայտարարել է Թուրքիայի վարչապետ Ահմեդ Դավութօղլուն:
«Մենք պետք է համախմբենք մեր ջանքերն Աֆղանստանում և շարունակենք աֆղանական իշխանությունների հետ աշխատել անհրաժեշտ բարեփոխումների իրագործման ուղղությամբ: Աֆղանստանում վերջին 13 տարվա ձեռքբերումները դեռ շատ փխրուն են, ուստի անհրաժեշտ է միջազգային ներկայությունը տարածաշրջանում պահպանել 2016 թվականից հետո»,- ասել է Դավութօղլուն՝ բացելով Անթալիայում ՆԱՏՕ-ի նախարարական հանդիպումը:
«Մենք (ՆԱՏՕ-ն) նաև 60 մլն դոլար կտրամադրենք Աֆղանստանում 2015-2017 թթ. անվտանգության ուժերի և պաշտպանության ուժերի ֆինանսական աջակցության համար»,- հավելել է Դավութօղլուն:
