«Մանչեսթեր Յունայթեդ»-ի գլխավոր մարզիչ Լուի վան Գալը պատրաստ է դիտարկել Ռոբին վան Պերսիի տրանսֆերի վաճառքի կապակցությամբ ստացվող առաջարկները: Այս մասին տեղեկացնում The Guardian-ը:
Հոլանդացի 31-ամյա հարձակվողի պայմանագրի ժամկետը լրանալու է 2016թ.: Նա ցանկանում է մնալ ակումբում ու պայմանագրի ժամկետը երկարաձգել ևս 1 տարով:
Վան Պերսին «Յունայթեդ»-ի կազմում հանդես է գալիս 2012 թվականից: «Կարմիր սատանաներ»-ի կազմում իր մեկնարկային մրցաշրջանում նա խփել է 26 գոլ, նախորդ մրցաշրջանում՝ 12 գոլ, իսկ ընթացիկ մրցաշրջանում՝ 10 գոլ:
