Շվեդիայի Գերագույն դատարանը ուժի մեջ է թողել WikiLeaks-ի հիմնադիր Ջուլիան Ասանժի վերաբերյալ հինգ տարի առաջ արձակված ձերբակալության որոշումը: Դատարանը որոշել է, որ որոշումը հետ կանչելու հիմքերը բացակայում են, քանի որ Ասանժի գործով հետաքննությունը շարունակվում է, և մոտ ապագայում շվեդ հետաքննիչները հուսով են հարցաքննել նրան, գրում է BBC-ն:
Ասանժը Շվեդիայում մեղադրվում է առանց պահպանակի շվեդ կնոջ հետ սեռական հարաբերություն ունենալու մեջ՝ չնայած կինը խնդրել էր դրա մասին: Երկրորդ մեղադրանքը վերաբերում է նույն կնոջ հետ առանց պահպանակի սեռական ակտին, որի ժամանակ կինը քնած է եղել:
Ասանժը հերքում է իրեն առաջադրված մեղադրանքները և 2012թ. սկսած թաքնվում է Էկվադորի լոնդոնյան դեսպանատանը:
Ասանժը պնդում է, որ Շվեդիայում իր դեմ հարուցված գործերը միայն պատրվակ են իրեն ձերբակալելու և ԱՄՆ-ն հանձնելու համար:
