Քիչ առաջ Երևանի «Ազատության» հրապարակում ելույթ ունեցավ ՀԱԿ պատգամավոր Նիկոլ Փաշինյանը:
Ներկայացնում ենք նրա ելույթն ամբողջությամբ:
Սիրելի ժողովուրդ, ՀՀ հպարտ քաղաքացիներ, նորից փետրվար է և մենք նորից այստեղ ենք՝ «Ազատության հրապարակում: Սա նշանակում է, որ ի հեճուկս բազմամյա ջանքերի, բռնությունը չի կարողացել մեզ հաղթել ու կոտրել: Խոստովանենք սակայն, որ այսօրվա հավաքի նշանակում, որ ՀՀ քաղաքացին չի կարողացել դե յուրե հաղթանակ տանել տերը լինելու համար մղվող պայքարում, վերջնական հաղթանակ տանել բռնության ու ապրինության նկատմամբ, բայց մեկ բան է նշանկում, որ ՀՀ քաղաքացու հաղթարշավը անկասելի է, ժողովրդի հաղթանակն՝ անխուսափելի:
Մենք այստեղ ենք ինքներս մեզ, մեր կյանքն ու մեր սերը, մեր վիշտն ու մեր երջանկությունն ի ցույց դնելու աշխարհին, ասելու. « Բռնություն, քո անկումն ակասելի է, քո պարտությունն անկասելի»: ՀՀ հպարտ քաղաքացիներ, ի հեճուկս հոռետեսական կանխատեսումների՝ փետրվարի 18-ին ՀՀ ժողոբուրդն ընտրել է իր նախագահին, ինչպես և սպասվում էր ԿԸՀ հրապարակած պաշտոնական արդյունքները չեն արտահայտում ժողովրդի ընտրությունը: Սա ապացուցեց ՀՀ-ում հաստատված ավտորիտար քաղաքական համակարգը: ՀՀ քաղաքացին 2013թ. փետրվարի 18-ին ՀՀ 1988 ԸԸՀ-ներում հեղափոխություն իրականացրեց 30 վարկյանանոց:
Մեր խնդիրը պարզ է ու հստակ: Հեղափոխության դե ֆակտո հաղթանակը վերածել դե յուրե հաղթանակի: Այն ուժերը, որոնք շահագրգիռ են օրինական իշխանություն հաստատելու գործին, պետք է պաշտպանեն ժողովրդի իղձը առանց նախապայմանների, որովհետև ժողովրդի առաջ նախապայմաններ չեն դնում, ժողովրդի որոշումներն ընդունում են ի գիտություն: Մենք այստեղ ենք ՀՀ սահմանադրությունը, ՀՀ ժողովրդավարությունը, ՀՀ ժողովրդի իշխանությունը ոտնձգությունից պաշտպանելու համար:
«Ժառանգություն» կուսակցության առաջնորդ Րաֆֆի Հովհաննիսյանը ստացել է վստահության քվե, ինքը պետք է որոշի՝ ինչպես վարվել ժողովրդի վստահության քվեի հետ, ինչ քայլերի հաջորդականությամբ վերածել դե յուրե հաղթանակի: Այստեղ գտնվող յուրաքանչյուր ոք պատրաստ է անմնացորդ ծառայել ժողովրդի հաղթանակին:
Համոզված եմ, որ նրա թիմի որշումներից է կախված, թե ինչ կբերի այս փետրվարը, դա չափազանց մեծ պատասխանատվություն է: Չի կարելի ժողովրդին տանել պարտության, հիասթափության ու ձախողումի, հաղթանակ և ուրիշ ոչինչ: Հաղթանակ: Եկեք հիշենք 2008թ Մարտի մեկի զոհերին և խոստանանք, որ այլևս երբեք չենք թույլ տա մեզ կոտորել մեր մայրաքաղաքի փողոցներում և որևէ այլ տեղ: Այլևս երբեք ոչ մի բռնություն, ոչ մի արյուն, այլևս երբեք ոչ մի պարտություն, հաղթանակ և ուրիշ ոչինչ:
Կեցցեն մեր երեխաները, որ ապրելու են ազատ և երջանիկ Հայաստանում:
