Իտալիայի նախկին վարչապետ Սիլվիո Բեռլուսկոնիի քաղաքական հակառակորդները, որոնք առաջիկա խորհրդարանական ընտրություններում գլխավորում են աջակենտրոնական կոալցիան, նրան մեղադրում են նախընտրական խարդախության մեջ:
ԻՆչպես հաղորդում է ITAR-TASS-ը՝ վկայակոչելով իտալական ԶԼՄ-ներին, հերթական քննադատության պատճառ է հանդիսացել նամակը, որը Բեռլուսկոնին ուղարկել էր իտալացիներին իր օգտին ստորագրություն ստանալու համար: Նամակում նախկին վարչապետը խոստանում է, որ իր կուսակցության հաղաթանակի դեպքում նոր կառավարությունը, որտեղ նա կղեկավարի ֆինանսների կամ տնտեսական զարգացման նախարարությունը, երաշխավորում է հետ վերադարձնել նախորդ տարի գույքահարկի դիմաց վճարված գումարները: Ավելին, նամակում նշվում են ժամկետներ և վայրեր, թե որտեղ կարելի է դիմել:
Բեռլուսկոնիի նախընտրական այս քայլն առաջացրել է նրա քաղաքական հակառակորդների բողոքը: Նրանք ասում են, որ Բեռլուսկոնիի առատաձեռն առաջարկությունը, որի համար անհրաժեշտ է միջինը 8 միլիարդ եվրո, ամրագրված չէ իրական հիմնադրամներով։ Իսկ նամակի հետ կապված պատմությունը բուռն քննադատություն է առաջացրել:
Բեռլուսկոնին մտադիր չէ ընկրկել և խոստանում է ոչ միայն վերադարձնել այդ գումարը, այլ նաև չեղյալ հայտարարել գույքահարկը, որը մտցրել է Մարիո Մոնտին: