Բիլ Գեյթսը արդեն 16-րդ անգամ մոլորակի ամենահարուստ մարդ է ճանաչվում, դա՝ արդարացիորեն:
Business Insider հեղինակավոր պորտալը հրապարակել է լուսանկարների շարք, որը ցուցադրում է Microsoft ընկերության հիմնադիր, ամերիկացի գործարար ու բարերար Բիլ Գեյթսին պատկանող անշարժ գույքը:
Նրան է պատկանում մեծաթիվ անշարժ գույք, այդ թվում՝ 123 մլն դոլարանոց առանձնատուն Վաշինգտոնում, ռանչոներ՝ հիպոդրոմով:
Ինչպես նշում է պարբերականը, Գեյթսը իր ժամանակի մեծ մասն անցկացնում է Վաշինգտոն նահանգում իր առանձնատանը, որն ունի ավելի քան 20 քառակուսի կմ տարածք, իսկ առանձատունը կարող է պարծենալ բազմաթիվ բարձրտեխնոլոգիական գործառույթներով, որ բնորոշ են «խելացի տանը»:
Համեմատության համար նշենք, որ 1988-ին Գեյթսը այն ձեռք էր բերել 2 մլն դոլարով, իսկ հիմա փորձագետները նշում են, որ դրա արժեքը բարձրացել է ավելի քան 60 անգամ:
Հյուրերի ու տան բնակիչների տրամադրության տակ է 6 խոհանոց ու ճաշասրահ՝ 200 մարդու համար, 20 մետրանոց լողավազան ու բատուտով սենյակ:
Անցած տարի միլիարդատերը 18 մլն դոլարով գնեց Paseana ռանչոն՝ 228 ակրով, որի տարածքում կա պանսիոն, հիպրոդրոմ, գրասենյակ, անասնաբուժական կետ, այգի ու 5 ամբար:
Ահա այսպիսի տեսք ունի Բիլի հիպոդրոմը Ռանչո-սանտա-Ֆեում, ԱՄՆ, Կալիֆոռնիա նահանգ
Մինչ Գեյթսը այդ ամենը պատկանել է դիետոլոգ Ջեննի Քրեյգին
Microsoft-ի հիմնադրամին են պատկանում նաև ձիերի ֆերմա Ֆլորիդա նահանգի Վելինգթոն քաղաքում, որը նա ձեռք էր բերել 8,7 մլն դոլարով:
2009թ. Գեյթսը ձեռք բերեց ևս մեկ ռանչո Վայոմինգում 492 ակր տարածքով
Նա նաև իր ներդրումային Cascade ընկերության միջոցով ներդրումներ է կատարում հյուրանոցային բիզնեսում: Մասնակիորեն նրան է պատկանում ԱՄՆ Մասաչուսեթս նահանգում գտնվող Քեմբրիջում Charles Hotel-ը:
Ինչպես հայտնում է Wall Street Journal-ը, միլիարդատիրոջն է պատկանում նաև Four Seasons հյուրանոցների բաժնետոմսերի գրեթե կեսը: Իր ակտիվները Գեյթսը կիսում է Սաուդյան Արաբիայի արքայազն Ալ-Վալիդի հետ:
2013թ. Գեյթսն ու մի շարք անանուն գնորդներ ավելի քան 161 մլն դոլար տվեցին Սան Ֆրանցիսկոյի Ritz-Carlton հյուրանոցի համար:
Գեյթսի ներդրումային ընկերությունը գնել է նաև 4500 հա գյուղատնտեսական տարածք Ֆլորիդա նահանգում: Հողատարածքի գնումը Cascade-ին արժեցել էր մոտ 28 մլն դոլար:
