Մեծ Բրիտանիայի վարչապետ Դևիդ Քեմերոնը հանդես է եկել ի պաշտպանություն արքայազն Ուիլյամի տիկնոջ` դքսուհի Քեյթի: Վարչապետն այցով գտնվելով Հնդկաստանում՝ անհրաժեշտ է համարել պատասխանել Հիլարի Մանթելի խոսքերին, ով երկու անգամ իր պատմավեպերի համար ստացել է հեղինակավոր մրցանակ, այժմ դքսուհուն համեմատել է մանեկենուհու հետ:
Քեմերոնը նշել է, որ ինքն անձամբ առիթ է ունեցել տեսնել դքսուհուն հասարակական միջոցառումների ժամանակ, Օլիմպիադայի, ինչպես նաև այլ առիթներով, և որ նա շատ վառ, հիասքանչ կին է, հիանալի կերպով ներկայացնում է Բրիտանիան: Նա նշել է, որ հարկավոր է հպարտանալ Քեյթով, այլ ոչ թե սխալ նկատողություններով հանդես գալ: Վարչապետը միտումնավոր է դքսուհուն «արքայադուստր» անվանել, չնայած, որ վերջինս նման տիտղոս չունի և պաշտոնապես կոչվում է Քեմբրիջյան դքսուհի:
Հիլարի Մանթելը բրիտանական թանգարանում անգլիական թագավորական ընտանիքների կին ներկայացուցիչների մասին դասախոսությամբ հանդես գալով, դքսուհի Քեյթին անվանել է «խամաճիկ-տիկնիկ», որի վրա ինչ-որ իրեր են կախում: Նա նշել է, որ Քեյթին արքայադստեր դերի համար ընտրել են, քանի որ նա անթերի է: Նա հիվանդագին նիհար է, առանց տարօրինակությունների և որ վտանգ չկա, թե նա անհնազանդություն հանդես կբերի:
Մանթելը դքսուհուն համեմատել է արքայադուստր Դիանայի հետ, և դա հօգուտ Քեյթի չի եղել: Նա նշել է, որ Դիանան կարողանում էր հանգիստ դպրոցականից վերածվել ձյունե թագուհու, ուրվականից՝ ամազոնուհու:
Ընդդիմադիր լիբերալ կուսակցության առաջնորդ Դևիդ Միլիբենդը հայտարարել է, որ համաձայն չէ Հիլարի Մանթելի հետ: Նա նշել է, որ դա բավականին վիրավորական նկատողություն է: Քեյթը դժվար դեր է կատարում և հիանալի կարողանում է գլուխ հանել այդ ամենից: Նա նաև նշել է, որ Քեյթը երկրի համար արժեքավոր ուժ է: Նա իր ստանձնած դերի համար արժանի է աջակցության:
