Գերմանիայի Կարլսրուեի տեխնոլոգիական ինստիտուտի աշխատակիցները պնդում են, որ իրենց հաջողվել է մշակել համակարգ, որի օգնությամբ ոչ մեծ առարկան կարելի է թաքցնել մարդկային աչքից։ Այս մասին հայտնում է բրիտանական The Independent-ը:
Գիտնականների խոսքով՝ լույսը արտացոլվում է դրանց մակերեսին, որը իրենից ներկայացնում է փոքր տուփ՝ այնպես, որ այդտեղ դրված իրերը, օրինակ՝ հեռախոսները կամ բանալիները, դառնում են անտեսանելի:
Հետազոտողների խոսքով՝ տուփը փորձի մի մաս է, քանի որ ներկայում աշխատանքներ են ընթանում իսկական անտեսանելի թիկնոցի ստեղծման վրա:
Միևնույն ժամանակ, ինչպես նշում են գիտնականները, գոյություն ունի խնդիր՝ տուփի լույսին հասնելու ճանապարհն ավելի երկար է, քան սովորական պայմաններում:
Սակայն KIT-ի մասնագետները վստահ են, որ իրենց հաջողվել է շրջանցել այն: Նրանք իրենց անտեսանելի համակարգը պատում են հատուկ ներկով, որը ցրում է լույսը: Իրականում այն դանդաղեցնում է լույսի արագությունը, իսկ դա նշանակում է, որ ավելի ուշ այն կարելի է նորից ավելացնել:
