Բրյուսելի օդանավակայանից գողացված ալմաստները գնահատվել են 350 միլիոն եվրո (շուրջ 465 մլն դոլար): Այս մասին հայտնում է Agence France-Presse-ը՝ հղում կատարելով բելգիական հեռուստատեսության տվյալներին:
Միևնույն ժամանակ, Associated Press-ի աղբյուրը Անտվերպենի Ալմաստե միջազգային կենտրոնում (World Diamond Centre) թանկարժեք քարերը գնահատում է 37 մլն եվրո (50 մլն դոլար): Կազմակերպության տվյալով՝ դրանք եղել են չմշակված քարեր և ոչ թե ադամանդներ: Այդուհանդերձ, ալմաստե կենտրոնում գողությունը անվանել են «խոշորագույններից մեկը»:
Գողությունը կատարվել էր փետրվարի 18-ի երեկոյան: 8 չարագործ, անցք բացելով օդանավակայանի պարսպում, երկու օդանավակայանների փակ տարածք էին ներթափանցել «Մերսեդեսով» ու «Աուդիով»: Ինչպես հաղորդում է Reuters-ը, նրանք եղել են դիմակավորված ու զինված:
Գողացված ալմաստները, ըստ Agence France-Presse-ի, հարձակման պահին բարձում էին ինքնաթիռ: Չարագործները այնուհետև հեռացել են նույն անցքով:
Գողությունը չարագործներից պահանջել է ընդամենը մի քանի րոպե, ընդ որում՝ օպերացիայի ժամանակ ոչ մի կրակոց չի հնչել, ոչ ոք չի տուժել:
Ոստիկանությունը հայտնաբերել է միայն երկու մեքենաներից մեկը, որով գողություն էին կատարել չարագործները: