Սիցիլիա կղզում Էթնա հրաբուխն այսօր կրկին սկսել է ակտիվություն ցուցաբերել, հայտնում է RIA Novosti-ն:
Իտալիայի գեոֆիզիկայի ու հրաբխագիտության ազգային ինստիտուտի մասնագետները գրանցել են հրաբխի հարավարևելյան հատվածում նոր խառնարանից մագմայի ժայթքում:
Էթնայի հերթական ակտիվությունը զուգակցվել է հրաբխային փոշու արտանետմամբ: Այսուհանդերձ, այն չի ազդել Կատանիա քաղաքի «Ֆոնտանարոսա» օդանավակայանի (Fontanarossa) աշխատանքի վրա, որը տեղակայված է հրաբխի հարևանությամբ, նշում է La Repubblica-ն:
Էթնայի ժայթքումը՝ մագմայի արտանետմամբ այս տարի առաջինն է: Անցած տարի մասնագետները գրանցել էին նման ակտիվության 8 դեպք:
Վերջին անգամ հրաբուխը ժայթքել է 2012թ. ապրիլին:
