Գյուղատնտեսությունը տնտեսության կարևորագույն ոլորտներից մեկն է, որում ստեղծված նոր արժեքի մասնաբաժինը համախառն ներքին արդյունքի ծավալում կազմում է շուրջ 16-20%-ը, իսկ զբաղվածների թվաքանակը` ընդհանուր զբաղվածների շուրջ 45 %-ը (մոտ 492 հազ. մարդ): Ոլորտում առկա են բազմաթիվ ու բազմաբնույթ տնտեսավարող սուբյեկտներ, որոնցից միայն գյուղացիական տնտեսությունների (գյուղաբնակ տնային տնտեսությունների) թիվը մոտ 340 հազար է (նրանց բաժին է ընկնում գյուղատնտեսության համախառն արտադրանքի մոտ 90%-ը), որոնց բնորոշ են փոքր չափերը, ներտնտեսային հաշվառման բացակայությունը, ապրանքայնության ցածր մակարդակը (արտադրանքի 45%-ը սեփական սպառմանն է միտված, 20%-ը` բնամթերային վճարումներին և փոխանակումներին, և միջինը միայն 35%-ն է դրամայնացվում), մասնագիտացման ցածր աստիճանը, ներդրումների և եկամուտների փոքր, սահմանափակ չափերը և այլն: