Հնէաբանների միջազգային խումբը վերակենդանացրել է 1.2 մետրանոց չթռչող «սարսափի թռչնի» խորը մռնչյունն ու բասային կչկչոցը։ Այն մոտ 3.5 մլն տարի առաջ Հարավային Ամերիկայում կաթնասուններին սարսափեցնում էր՝ ասվում է հոդվածում, որը հրապարակվել է Journal of Vertebrate Paleontology ամսագրում:
Կայնոզոյան ու մեզոզոյան դարաշրջանների սահմանին դինոզավրերի անհետացումից հետո սննդային բուրգի գագաթին հայտնվեցին խոշոր թռչուններ, որոնք չէին կարողանում թռչել:
Էոցենի ժամանակաշրջանի վերջից նրանց սկսեցին դուրս մղել խոշոր կաթնասունները։ Չնայած առաջատարի դիրքերը կորցնելուն՝ նրանց պոպուլյացիան շարունակում էր պահպանվել Երկրի տարբեր անկյուններում:
Կորդովայի ազգային համալսարանից Ֆեդերիկո Դեգրանժեն և նրա գործընկերները պեղումներ էին իրականացրել Արգենտինայում, որտեղ Բուենոս Այրեսից ոչ հեռու հայտնաբերել էին անհայտ թռչնի կմախք, որն անվանեցին Llallawavis scagliai:
Թռչունը եղել է գիշատիչ և կշռել մոտ 40 կգ:
Դերանժեն ու նրա գործընկերները չեն բացառում, որ թռչունները մռնչյունը կարող էին օգտագործել նաև զոհերին վախեցնելու կամ ավելի խոշոր գիշատիչներին սարսափեցնելու համար:
