Փետրվարի 13-ին Գերմանիայի Դրեզդեն քաղաքում ավելի քան 10 հազար մարդ, բռնելով միմյանց ձեռքեր, կազմել էին կենդանի շղթա՝ ի նշան բողոքի նեքազգայնականների երթի դեմ,- հաղորդում է ITAR-TASS-ը:
Այդ օրը Դրեզդենում հիշում են 1945 թ. փետրվարի ռմբակոծությունների զոհերին, որոնք իրականացրել էին ամերիկյան և բրիտանական ավիացիոն ուժերը:
Էլբա գետի վրա գտնվող քաղաքի բնակիչները շղթայի մեջ էին վերցրել Սաքսոնիայի մայրաքաղաքի կենտրոնը:
«Դրեզդենը և նրա պատմությունը մեզ են պատկանում: Մենք բոլորս միասին պետք է ազդանշան տանք, որ քսենոֆոբիան, ատելությունը և բռնությունը տեղ չունեն մեր հասարակությունում»,- ակցիայից առաջ հայտարարել է քաղաքապետ Հելմա Օրոշը:
Ոստիկանության տվյալներով՝ ակցիայի ընթացքում լուրջ միջադեպեր չեն գրանցվել:
Դրեզդենի ռմբակոծությունը 1945 թ. 13-15-ը իրականացրել են Մեծ Բրիտանիայի թագավորական ռազմա-օդային ուժերը և ԱՄՆ օդուժը: Ավերիչ ավիահարձակման հետևանքով ամբողջությամբ ոչնչացվել էր քաղաքի պատմական կենտրոնը: Մինչ օրս հստակ հնարավոր չէ ասել, թե քանի մարդ է զոհվել այդ օրերին: Տարբեր գնահատականների համաձայն՝ զոհվել է շուրջ 25 հազար մարդ, սակայն որոշ պատմաբաններ պնդում են, որ այդ թիվը հասնում է հարյուր հազարների: