Բնությունը զանազան է մարդկային հիվանդությունների առումով, սակայն այդ հիվանդությունները երբեմն առաջանում են ընդունած դեղորայքների կողմնակի ազդեցությունների տեսքով: Դեղորայքների բարձր չափաքանակները կարող են արհավիրքային հետևանքներ ունենալ: Կալիֆոռնիայի 62-ամյա բնակիչ Փոլ Կարասոն չի կարող թաքցնել հիվանդության ախտանիշները, քանի որ նրա մաշկը վառ կապույտ երանգ ունի:
Ամեն ինչ սովորական դերմատիտից է սկսվել, որը տղամարդուն տարիներ շարունակ տանջել է: Փոլը ԶԼՄ-ներից տեղեկացել է կոլոիդ արծաթի հատկությունների մասին: Տասը տարիների ընթացքում Կարասոնը ոչ միայն այդ դեղորայքով շփել է մաշկը, այլև խմել է այն՝ կարծելով, որ այն կբուժի բոլոր հիվանդությունները:
Մաշկը շատ դանդաղ և աննկատ սկսել է կապտել:
Առաջինը Կարասոնին նրա մաշկի անսովոր երանգի մասին տեղեկացրել էին երկար ժամանակ չտեսած ընկերները:
Պարզվել է, որ դա արգիրոզ է, որը սկսվել է հյուսվածքներում արծաթի մասնիկների կուտակումից և այն ամբողջովին բուժել հնարավոր չէ:
Այդ ամենից հետո էլ Փոլը դեռ հավատում է մետաղի կախարդական ազդեցությանը՝ շարունակելով ընդունել այն առանց չափի: Նա համոզված է, որ արծաթը հակաբակտերիալ հատկություններ ունի և այն կարող է պայքարել տարբեր վարակների դեմ:
