WikiLeaks-ի հիմնադիր Ջուլիան Ասանժը իր ծրագրերի իրականացման գործում ևս մեկ կարևոր քայլ է կատարել. նա սեպտեմբերին կայանալիք Ավստրալիայի Սենատի ընտրություններին մասնակցելու հայտ է ներկայացրել՝ տեղեկացնում է ITAR-TASS-ը:
Ինչպես տեղեկացնում է «Աջակցություն WikiLeaks-ին ավստրալական քաղաքացիական միության» ներկայացուցիչ Սեմ Կաստրոն, այսօր Վիկտորիա նահանգի ընտրական հանձնաժողով է ներկայացրել Ասանժի ստորագրած՝ Սենատի ընտրություններին որպես թեկնածու գրանցվելու հայտը:
Հայտում նշվում է Ասանժի մոր տնային հասցեն, որը բնակվում է Մելբուռնի արվարձաններից մեկում:
Կաստրոն նաև ասել է, որ մոտ ապագայում պետք է տեղի ունենա առայժմ 10 մարդուց կազմված WikiLeaks կուսակցության ազգային խորհրդի նիստը, որտեղ պետք է քննարկվի դրա պաշտոնական գրանցումը՝ որպես Ավստրալիայի քաղաքական կուսակցություն: Կուսակցության գրանցման համար անհրաժեշտ է, որ դրան անդամագրվի նվազագույնը 500 գրանցված ընտրող:
Ավելի վաղ Ասանժը հայտարարել է, որ ոչ մի խնդիր չի կարող լինել, քանի որ «մեծ թվով արժանապատիվ մարդիկ հիացմունք ու պատրաստակամություն են ցուցաբերում՝ աջակցելու նոր կուսակցությանը»:
Կաստրոն ընդգծել է, որ եթե Ասանժը հաղթի սեպտեմբերի 14-ի ընտրություններում, ապա չի կրող լքել Լոնդոնը՝ նրա տեղը Սենատում կզբաղեցնի նոր կուսակցությունից այլ մարդ:
Ներկայում Ասանժը բնակվում է Լոնդոնում Էկվադորի դեսպանությունում:
