Microsoft-ը մայիսին աուտիստների համար աշխատատեղերի ստեղծման ծրագիր կթողարկի: Այս մասին ընկերության պաշտոնական բլոգում հայտնել է կորպորատիվ բաժնի փոխնախագահ Մարի Էլեն Սմիթը:
Փորձնական ծրագրի շրջանակներում ծրագրվում է Ռեդմոնդում Microsoft-ի շտաբ-բնակարանում ամբողջ աշխատանքային օրով վերը նշված հիվանդությունն ունեցող աշխատակիցների վարձել: Նշվում է, որ աուտիստները կօգնեն զանազանել ընկերության հնարավորությունները՝ ի հաշիվ տեղեկությունը, մանրամասները հիշելու և էլեկտրոնային աղյուսակների կամ կոդի հետ աշխատելիս նրանց մաթեմատիկական ունակությունների:
Հաղորդագրության մեջ նշվում է, որ Սմիթն աուտիստ երեխայի մայր է: Ծրագիրը նվիրված է եղել Աուտիզմով հիվանդության մասին տեղեկատվության տարածման օրվան, որը նշվում է ապրիլի 2-ին:
The Huffington post-ի տեղեկությամբ՝ սկզբում 10 մարդ կվարձվի: Արդեն հիմա Microsoft-ում աշխատատեղերի 1%-ը (մոտ 1000 աշխատատեղ) հասանելի է սահմանափակ հնարավորությունենրով մարդկանց, բայց դրանք բարձր որակավորում չեն պահանջում՝ աշխատանք միջոցառումների ժամանակ, սպասարկում սրճարանում և բեռների փոխադրում:
Ծրագիրը թողարկվել է դանիական Specialisterne ընկերության օգնությամբ, որը զբաղվում է աուտիստներին հասարակությանն ինտեգրելով:
Աուտիստները դժվարություններ են ունենում մարդկանց հետ շփվելիս, բայց միաժամանակ կարող են մի շարք այլ առավելություններ ունենալ՝ բարձր կենտրոնացում, մեծ ծավալի տեքստերը արագ հիշելու, արագ հաշվելու ունակություն:
