Գունեղ գրասենյակ, որը ոգեշնչում է ստեղծագործել

Այսօր արտադրողականության բարձրացման նպատակով լայն տարածում է ստացել աշխատակիցների համար օրիգինալ աշխատավայրերի ստեղծումը։

Շվեդական Adolfsson & Partners ընկերությունը դարձել է King ինտերակտիվ խաղերի համար գրասենյակի դիզայնի հեղինակը՝ գրում է Novate.ru-ն: Մասնագետներն աշխատել են շինության ներքին հարդարանքը առավելագույնս նման դարձնել խաղային վիրտուալ տարածությանը: Դիզայներների կարծիքով՝ նման մթնոլորտը աշխատակիցների աշխատանքն առավել արդյունավետ կդարձնի:

Ընկերության ստեղծած խաղերի մոտիվներով առանձնացվել է 10 թեմատիկ գոտի՝ խորը օվկիանոս, գյուղական տեղանք, գանձերի կղզի, կանաչ բլուրներ, կախարդական անտառ, ավազաբլուրներ, լեռնագագաթներ, վայրի ջունգլիներ, Kingtown և ժամանցային պավիլիոն: