Բրիտանացի ալպինիստ Ջուլիան Լայնսը նվաճում է մոլորակի դժվարին գագաթները, ընդ որում՝ դա անում է առանց ապահովագրության: Նա սովոր է ռիսկի դիմել և մեկ անգամ չէ, որ ցած է ընկել ժայռերից, սակայն միշտ խուսափել է լուրջ վնասվածքներից ու հետևանքներից՝ գրում է RT-ն:
Նրա մասնակցությամբ կադրերը կարող են շոկի մատնել մարդկանց: Մարզիկը չի օգտագործում ոչ պարան, ոչ հատուկ սարքավորում, ոչինչ՝ բացի սեփական ձեռքերից, անգամ եթե մարտահրավեր է նետում մոլորակի ամենադժվարին նվաճվող լեռնագագաթներին:
«Ես մի քանի անգամ վայր եմ ընկել 9-10 մետր բարձրությունից: Իմ բախտը բերել է, գլխով քարին հարվածելը անգամ 3-6 մետր բարձրությունից կարող է ունենալ վատ ավարտ»,- հիշում է նա::
Բրիտանացին ժայռամագլցությամբ է զբաղվում դեռ դեռահաս տարիներից: Դպրոցական տարիներին նա նվաճել է Միացյալ Թագավորության ամենադժվար գագաթները:
